جعلی پیر کی تعویز دھاگے کی آڑ میں خاتون سے زیادتی
جڑانوالہ (ویب ڈیسک)جعلی پیر نے تعویز دھاگے کی آڑ میں جواں سالہ لڑکی کو زیادتی کا نشانہ بنا ڈالاہے۔تفصیلات کے مطابق چک نمبر 144 کی رہائشی نسرین بی بی زوجہ محمد اعظم قوم بلوچ نے وزیراعلیٰ پنجاب کو درخواست گزارتے ہوئے موقف اختیار کیا کہ وہ دوپہر 2 بجے کے قریب شہر سے اپنے گاﺅں کی طرف جارہی تھی کہ مہرٹاﺅن نزد چونگی نمبر 8 کے قریب پہنچی تو فاروق جو کہ ان کے گاﺅں میں قصاب ہے اسے وہاں پر مل گیا اور کہا کہ دم درود کروانے کے لئے آئی تھی تو میں بھی دم درود کرلیتا ہوں اور پیر فقیری کا علم بھی میرے پاس موجود ہے جس پر وہ اور رانی بی بی اس کے ساتھ چل پڑیں۔
ڈبہ پیر ان کو ایک کمرے میں لے گیا جہاں زبردستی اس کے ہاتھ باندھ کر مجھے زیادتی کا نشانہ بنایا۔خاتون کے شورمچانے پر ان کے ساتھ آئی رانی بی بی نے بھی شور مچانا شروع کردیا۔ لوگوں کو اکٹھا ہونے پر ڈبہ پیروہاں سے فرار ہوگیا۔ وقوعہ کی بابت میڈیکل حاصل کرنے کے بعد مقامی پولیس کے پاس گئی لیکن پولیس مبینہ طور پر قصاب ڈبہ پیر سے ساز باز ہوگئی اور اسے انصاف کے لئے دربدر کی ٹھوکریں کھانے پر مجبور کردیا ۔ وزیر اعلیٰ پنجاب سے استدعا ہے کہ اسے انصاف و تحفظ فراہم کیا جائے اور جعلی پیر قصائی کے خلاف تادیبی کارروائی کی جائے۔
No comments:
Post a Comment